Tuesday, October 25, 2011

വിവാഹമംഗളാശംസകള്‍...


പ്രിയപ്പെട്ട മീനുവിന്,

 കത്ത് വലിച്ചു കീറുന്നതിന് മുമ്പേ മീനുവിന് എന്റെ വിവാഹമംഗളാശംസകള്‍, പിന്നെ ഈ കത്ത് മുഴുവന്‍ വായിക്കണമെന്ന് ഒരു അപേക്ഷകൂടി വെച്ചോണ്ട് ഞാന്‍ എഴുതട്ടെ. നിന്നെ കൂടുതല്‍ വേദനിപ്പിക്കുന്നതിനോ, നിന്റെ തീരുമാനത്തില്‍നിന്നും പിന്തിരിപ്പിയ്ക്കുവാനോ അല്ല ഈ കത്ത്.  കുറ്റബോധത്തിന്റെ ഉമിതീയില്‍ നീറിനിന്ന എന്നെ നീ രക്ഷിച്ചുവല്ലോ, ഇതില്‍ കൂടുതല്‍ എന്തു ഉപകരമാണ് നിനക്കു എന്നോടു ചെയ്യാന്‍കഴിയുക. ഇതിനുള്ള നന്നി വാക്കുകളില്‍ വിവരിക്കുവാന്‍ കഴിയില്ല. അത്രയ്ക്കും ഞാന്‍ നിനക്കു കടപ്പെട്ടിരിക്കുന്നു. നന്നി മീനു, നന്നി. ജീവിതയാത്രയില്‍ നിന്നെ മനപ്പൂര്‍വം മാറ്റിനിര്‍ത്തേണ്ടിവന്നതില്‍ എന്നോടുക്ഷ്മിക്കു എന്നല്ലാതെ ഞാന്‍ എന്താണ് പറയുക. മാപ്പ് ചോദിക്കുവാന്‍ അര്‍ഹനല്ലെന്നറിയാം എങ്കിലും....

എന്നോടുള്ള പ്രേമപരവേശത്താല്‍ (അതോ പ്രതികാരമോ) നിനക്കു വരുന്ന ഓരോ കല്ല്യാണാലോചനകള്‍ നീ മുടക്കുമ്പോള്‍ തോല്‍ക്കുന്നത് ഞാനായിരുന്നു. എന്നും ഞാന്‍ പ്രാര്‍ഥിക്കാറുണ്ടായിരുന്നു നിന്റെ കല്ല്യാണം എത്രയും വേഗം എന്നെക്കാള്‍നല്ലോരാളുമായി നടക്കണമേ എന്ന്. എന്തായാലും നീ നിന്റെ വാശി ഉപേക്ഷിച്ചു ഒരു കല്ല്യാണത്തിന് സമ്മതിച്ചു എന്ന് അറിയുന്നതില്‍ ഞാന്‍ ആഹ്ലാദിക്കുന്നു.നിനക്കു എന്നും നമ്മമാത്രമേ ഉണ്ടാക്കുകയുള്ളൂ. നിന്നെ പോലയുള്ള നല്ല പെണ്‍കുട്ടിയെ ഭാഗ്യമുള്ളവര്‍ക്കെ കിട്ടു. അതേ ഞാന്‍ ഒരു നിര്‍ഭാഗ്യവാനാണ്.

ജീവിതത്തില്‍ പഠിത്തവും, ദൈവീക വിചാരവും, കുടുംബവും മാത്രമുള്ള നിന്റെ മനസിലേക്ക് ഞാന്‍എന്തിനാണ് പ്രേമത്തിന്റെ ദുഃഖ വിത്തുകള്‍ വിതറിയത് എന്നു എനിക്കറിയില്ല പക്ഷേ അന്ന് അത് എനിക്ക് ശരിയായിരുന്നു പിന്നീട് ആ ശരിയെ എനിക്ക് തള്ളിപ്പറയേണ്ടിവന്നു. മീനൂട്ടി എന്നോടു ക്ഷമിയ്ക്കുക.

നിന്നെ കാണുന്നതിന് വേണ്ടി മാത്രം ഞാന്‍ വളരെ ദൂരയുള്ള നിന്റെ ബസ് സ്റ്റോപ്പില്‍ വന്നു ബസില്‍ കേറുകയും ഇറങ്ങുകയും ചെയ്തത് നീ ശ്രദ്ധിച്ചിരുന്നുവല്ലോ. നിന്റെ നോട്ടം, ശ്രദ്ധ  അതൊക്കെ എനിക്കു കൂടുതല്‍ കരുത്ത്തന്നുകൊണ്ടേയിരുന്നു. കൂട്ടുകാരുടെ പ്രചോദനവും, പിന്നീട്   കളിയാക്കലുകളും കൂടി കൂടി വന്നപ്പോള്‍ പിന്നെ എങ്ങനെയെങ്കിലും നിന്നെ എന്റെ വഴിക്കു കൊണ്ടുവരുക എന്നതായി എന്റെ ചിന്ത. അത് ഒരുതരം വാശിയായി.  അതുകൊണ്ടാണ് അന്ന് മഴയുള്ള ഒരു വൈകുന്നേരം ജങ്ക്ഷണില്‍ വെച്ച് എന്റെ പ്രണയത്തെ ഞാന്‍ നിന്നെ അറിയിച്ചത്. പക്ഷേ എന്റെപ്രതീക്ഷയ്ക്ക് വിപരീതമായി നിന്റെ കരഞ്ഞുകൊണ്ടുള്ള പ്രതികരണം ഇന്നും എന്റെമനസില്‍ പച്ചപിടിച്ചു കിടക്കുന്നു. മീനൂട്ടി, അതൊന്നും ഇപ്പോള്‍ ഓര്‍ക്കാന്‍ ഇഷ്ട്ടപ്പെടുന്നില്ലായിരിക്കും അല്ലേ!!!?. അന്ന് ആളുകള്‍ ഒരു ആഭാസനെ പോലെ എന്നെ നോക്കിയതും എനിക്കു മറക്കാന്‍ സാധിക്കില്ല.


എല്ലാം എന്റെ തെറ്റാണ് ഞാന്‍ മാത്രമാണ് ഈ ദുഖത്തിന് കാരണക്കാരന്‍. വര്‍ഷങ്ങള്‍ക്ക് ശേഷം നിനക്കു എന്നെ ഇഷ്ട്ടമാണെന്ന് അറിഞ്ഞ നിമിഷം ഒരു ലോക ജേതാവിന്റെ സന്തോഷമായിരുന്നു എനിക്ക്. ഒരു വല്ലാത്ത സന്തോഷം. ഓടാനൊ, തുള്ളിച്ചടാനോ എന്തെക്കെയോ തോന്നി.ഇരുന്നാല്‍ ഇരുപ്പുറക്കിലാ, നടക്കുമ്പോള്‍ ഇരിക്കാന്‍ തോന്നും, ഓടാന്‍ തോന്നും അങ്ങനെ എനിക്ക് വട്ടയോ എന്നുവരെ എന്റെ സുഹൃത്തുക്കള്‍ ചോദിക്കുന്നിടം വരെ എത്തി കാര്യങ്ങള്‍. മനസുകൊണ്ടു നമ്മള്‍ അടുത്തുവെങ്കിലും നമുക്കിടയില്‍ ഒരു വലിയ ദൂരമുണ്ടായിരുന്നു. കണ്ടുമുട്ടലുകള്‍  കുറവായിരുന്നെങ്കിലും ഓരോ കണ്ടുമുട്ടലും ഒരായിരം കണ്ടുമുട്ടലുകള്‍ക്ക് സമമായിരുന്നു. ഒരു മതിലിന്റെ ഇരുപുറവും നിന്നു നമ്മള്‍ മനസും, സ്വപനങ്ങളും കൈമാറി. നിന്നെ  കാണാന്‍ മാത്രം  നിന്റെ പള്ളിയില്‍ വന്നതൊക്കെ നിനക്കു അറിയാമെല്ലോ. പിന്നീട് ദൂരെയുള്ള നിന്റെ കോളേജ്ജിലേക്ക് എന്നേകാണാതെ പോവില്ല എന്നു വാശിപിടിച്ചപ്പോള്‍ നിനക്കു എന്നോടുള്ള സ്നേഹത്തിന്റെ ആഴം ഞാന്‍ മനസിലാക്കി. പിന്നെ നീ ഇട്ടു തന്ന കാപ്പിയില്‍ കൂടി നിന്റെ കൈപ്പുണ്യവും, സ്നേഹത്തിന്റെ മാധുര്യവും എനിക്ക് മനസിലാക്കാന്‍ സാധിച്ചു. ഇതെല്ലാം എന്റെ ഉള്ളില്‍ ഒരായിരം പ്രണയ പുഷ്പ്പങ്ങളുടെ കുളിര്‍ കോരിയിട്ടു. 


ഈ നശ്വരമായ ലോകത്തില്‍ എല്ലാത്തിനും ഒരു അവസാനമുണ്ട്. അതുപോലെ തന്നെ നമ്മുടെ പ്രണയത്തിലെ ഒരു കറുത്ത ദിനത്തിലാണ് നിനക്കു ആദ്യ കല്ല്യാണലോചന വന്നത്. അപ്പോളാണല്ലോ നമ്മള്‍ നമ്മുടെ പ്രണയത്തിന്റെ മാസ്മരിക വലയം ഭേതിച്ചു പുറത്തു വന്നത്. പ്രണയത്തെ വീട്ടില്‍ അവതരിപ്പിച്ചത്. പിന്നെ സാമൂഹിക-സമ്പത്തീക പാറയില്‍ നമ്മുടെ പ്രണയത്തിന്റെ വഞ്ചി ഇടിച്ചുതകര്‍ന്നത്.       നമുക്ക് ഒന്നാകാന്‍ സാധിക്കുകയില്ല എന്ന എന്റെ വാക്കുകള്‍ ഹൃദയത്തില്‍ ആണി തറച്ചപ്പോലെയാണ് നിനക്കു അനുഭവപ്പെട്ടത് എന്നു എനിക്കറിയം. ആ തീരുമാനമല്ലാതെ മറ്റൊരു വഴിയും എന്റെ മുന്പിലില്ലായിരുന്നു. ആ കടുത്ത തീരുമാനം എടുക്കുവാന്‍ ഞാന്‍ എത്ര വിഷമിച്ചു എന്നു നിനക്കറിയാമെല്ലോ.  അതില്‍ നിന്നുമാണെല്ലോ മറ്റ് വിവാഹം കഴിക്കാതെ മഠത്തില്‍ ചേരാന്‍ നീ തീരുമാനിച്ചത്. ഈ തീരുമാനം എന്നെ വല്ലാതെ വേദനിപ്പിച്ചു. ഞാന്‍ കാരണം ഒരു പെണ്‍കുട്ടിയുടെ ജീവിതം നശിക്കുന്നു എന്ന തോന്നല്‍ എന്നെ ഒരു വല്ലാത്ത  മാനസികവസ്ഥയില്‍ എത്തിച്ചു. സുഹൃത്തുക്കള്‍ എന്നെ വല്ലാതെ കളിയാക്കി, കുറ്റപ്പെടുത്തി. ഞാന്‍ചെയ്തത് ചതിയാണ് എന്നുവരെ അവര്‍ പറഞ്ഞു. അവരുടെ ഓരോ വാക്കും എന്നെ വല്ലാതെകുത്തി നോവിച്ചുകൊണ്ടേയിരുന്നു. എന്റെ മനസ്സു കുറ്റബോധമാകുന്ന ഉമിതീയില്‍എരിഞ്ഞു കൊണ്ടിരുന്നുവെങ്കിലും ഞാന്‍ ഒന്നും പുറത്തുകാണിക്കാതെ ഒരു പൊട്ടനെപ്പോലെ ചിരിച്ചും കളിച്ചും നടന്നു.

അപ്പോഴും എന്റെ മനസില്‍ ഒരു ചോദ്യമേ ഉണ്ടായിരുന്നുള്ളൂ നിന്റെ തീരുമാനത്തില്‍ എന്തെങ്കിലും മാറ്റം ഉണ്ടാകുമോ എന്നു. ജീവിതത്തില്‍ മറ്റ് പലപ്രതിസന്ധികള്‍ വന്നപ്പോലും നീ തന്നെയായിരുന്നു എന്റെ ചിന്ത. ഇന്നിതാ എന്റെപ്രാത്ഥനക്ക് എന്റെ ദൈവം ഉത്തരം നല്കിയിരിക്കുന്നു. അടുത്താഴ്ച നിന്റെവിവാഹം ആണെന്നുള്ള അറിവ് എനിക്ക് വല്ലാത്ത ഒരു ആശ്വാസം നല്കുന്നു. കൂട്തുറന്നു വിട്ട ഒരു പക്ഷിയെ പോലെ, ദാഹിച്ചവലഞ്ഞവന് കുടിനീര്‍ കിട്ടിയപ്പോലെ ഞാന്‍ സന്തോഷിക്കുന്നു. നമ്മുടെ പ്രണയത്തിന്റെ ഓര്‍മ്മകള്‍ ചിലപ്പോള്‍നിന്നെ വേട്ടയാടുമെങ്കിലും അതിനെ തരണം ചെയ്യാന്‍ ഞാന്‍ നിനക്കുവേണ്ടി പ്രാര്‍ഥിയ്ക്കാം.

അവസാനമായി ഒന്നുകൂടെ പറയട്ടെ ഞാന്‍ നിന്നെ പ്രേമിച്ചതും, സ്നേഹിച്ചതും എന്റെ ഹൃദയത്തില്‍ തട്ടിത്തന്നെയായിരുന്നു. ഒരിയ്ക്കലും നിന്നെ മനസുകൊണ്ടോ,ശരീരംകൊണ്ടു വഞ്ചിക്കണം എന്നു സ്വപ്നത്തില്‍ പോലും ഞാന്‍ വിചാരിച്ചിട്ടില്ല.....അടുത്ത ജന്‍മ്മത്തിലെങ്കിലും സമ്പത്തീക-സമൂഹീക അന്തരം ഇല്ലാതെ നമ്മളെ
ഒന്നാക്കണമേ എന്ന പ്രാത്ഥനയോടെ നിര്‍ത്തുന്നു.

മീനുട്ടിക്ക് എല്ലാവിധ ആശീര്‍വാദങ്ങളും, അനുഗ്രഹങ്ങളും നേരുന്നു.


3 comments:

  1. മീനൂട്ടിക്ക് എന്റെയും ആശംസകള്‍

    ReplyDelete
  2. കിടക്കട്ടെ എന്റെയും ഒരു ആശംസ ........നന്നായിട്ടുണ്ട്

    ReplyDelete
  3. ഞാനായിട്ട് തന്നില്ലാന്ന് പറയല്ല്..
    കിടക്കട്ട് എന്റെം വക.. :-/

    ReplyDelete

ഈ ബ്ലോഗിലേക്ക് വരുകയും എന്‍റെ മനോവിചാരങ്ങള്‍ വായിക്കുകയും ചെയ്ത താങ്കള്‍ക്ക് എന്‍റെ ഹൃദയം നിറഞ്ഞ നന്ദി